شعر غزل كلش حلو ليفوتكم اقرو

باجر انه ولوعتي وطول الغياب

نلتم انه وياك بس اثنينه

ومانريد الزاد ونعوف الشراب

اريد بس بليس يكعد بينه

بكيفي باجر لاحلال ولا حرام

اثنينه نحقق حلمنه المستحيل

ليل ونضيع بزواغير الغرام

ويانفس وياك تقنع بالقليل

باجر انت الغربه وانه حزام

وياهو الي صاحبه يسلم دخيل

موقفل عالباب ادك عالباب باب

شده والشيطان بيهه يعينه

هيجي نشرب ماي من ذاك التراب

وطينك الحر النخلطه بطينه

موهذاك الشوك لا مرتين زاد

ومنك اخذ حيف حتى المو الي

خاف نبطي ونارنه تصبح رماد

ومثل ذيج الماخذت سيد علي

من تراب الناس وترد للتراب

ليش حصت الكاع تاخذ زينهه

بس تعال بجيتك يخف العذاب

وتدري للخطار نفرش عينهه

الطير تتلكاه الكاع شما عله

وطبع بن يادم مثل طبع الطيور

يجي يوم الشوك يصبح مشكله

رماد يبقه ومايظل عطر البخور

وتهيج اللام المفاصل والكله

ويارصاصه ضغط والسكر تكول

ولك لحك باجر يروح الشباب

تنعمي وماتنبرد سجينهه

اليوم وكتك من ذهب باجر تراب

وهسه نكدر بس وراهه منينهه

كوم خفف لوعتك وطوي العتاب

ساعه وحده انذب قهرنه اثنينهه

وماريد الزاد ونعوف الشراب

انريد بس ابليس يكعد بينهه