الرئيسية
| مشينه بليلة الظلمه وسرنا جنود من العدو اكتلنه واسرنا اسرار الناس تكتمه وسرنا تفضحه وتنشره على البريه **** **** **** اضل صاحب سلوك وياك واسلاك وعلى بابك اخلي حرس واسلاك وشيطانك اذا فد يوم وس لاك اگلك خاف الله وحن عليه |
| اله سنين الفرح وياي مايه ومو واحداجروح الكلب مايه اليغص ابلكمه اذا ينطوه مايه انه بلماي اغص وشلون بيه **** **** **** أأمم بيها والجامع ورايه وصفيت امشي وره الچانوا ورايه نويت اهجم شلت سيفي ورايه رماني بسهم عينه وطاح بيه **** **** **** يدنيه شبيج حصره دوم نفسي وعلى الطيبين دوم اتلوب نفسي اجر حسره ونزل ماصعد نفسي واذا يصعد حرك هدم العليه |
| فزع طبع الصبر بينه منخوينه ويا روحي جروحي منخوينه اخوي العييد بحزني منخوينه انخه اشلون وجفوفي بديه **** **** **** شفت وسفه اعله البحر منحوت وصرت شاخص حزن منضيم منحوت اذا يونس عبرته اتصير منحوت انا الطيب عبره يصير اليه اهداء الى (( سـ)) |
| حديقه بعلم رب الكون ضليت وعن درب العلم يا ناس ضليت شجره وبس عله العاوين ضليت وصرت سايق مخده وجودليه |
| يصاحب هالوكت النه ولادار ولاكاع البعد تجمعنه ولادار لا وكت الذهب مرنه ولا الدر كضينه ايامنه ابهم واذيه |
| راء وعين الك مني ودالي وامس مكتوب محبوبي ودالي كمت اسمع حسام انه ودالي لاّن عاشك بنات الناصريه الشاعر رعد الفياض/ الناصريه |
| حنظل لوظكت خدي عسلبيك وعساهن بيه يفترن عسلبيك مريض وفدوه دوصلني عسلبيك تحط ايدك يطيب المرض بيه |
| يدهري شبيك بالله من صفاتي صافي وجذب تلكه من صفاتي الوفه والخير والحب من صفاتي وصفات الكرم كلهن ذني بيـه **** **** **** غرامك فتت المهجه وسلها وسهم غدرك مرد روحي وسلها نجوم ليلك حلفها وسلها ماحب غيرك لاخر نفس بيـه |
| محاورى بين حبيبين هو: عليّ ثوب الونـين اشكثـر .. حالي شباب وهل شبت مـن دون .. حالي انشدچ على احوالچ مثـل .. حالي طايح والهموم اتشيل بيـه هي: هموم هواك ما خلن .. علي حال فريضة وحبك من الله .. علي حال يالتنشد على حالي .. علي حال شيفيد النشد علي صار بيه هو: الج بس انتي گلبي .. ورجيته ودمع العين يمـچ .. ورجيته ابتعد كلمن نخيته .. والرجيته ولا واحد اجاني وحـن عليه هي: رعيتك ليش گلبــك .. ما رعاني ويهمك فت دليلـي .. وما رعاني مره احبس بدمعي .. ومره اعاني ومره اتطيح روحي ابين اديه هي: هجرك ياولف صايـــر .. بلا حد مثل سيف اليگص رگبه .. بلا حد رحت وآنه انتظر ترجـع .. بالاحد اجه الاحـد ويمتـه اتعود اليه هو: احد سچين صبري وچــن .. ولاحد التفت وما شفـت ربعي .. ولا حد شچم سبت اليمر بيــه .. والاحد اجي بس شوفتچ تصعب عليـه هي: لتهم بالعمر خلصـــان .. وحـــــده وأنا ضعني سرى بالهــــوى .. وحــــــده حلت جنها بعيونـك غير .. وحـــــده وگمت لاتسأل ولاتمـر بيـه هو: غيرچ ماحلى ابعينـــــي .. ولاطاب ولا دونچ دخل گلبــــــــــــــي .. ولاطاب يجرحي وياچ ماهَّــــــــــــود .. ولاطاب دم ينزف ولا تدريــن بيـه هي: محبتك تجري وي روحي .. ويدماي وعليك انشلت اعظامي .. ويدماي انچويت أبأيد أنا ناري .. ويدماي ولكن مـن يطابگهـن سويـه هو: عليچ الروح راحــــت .. من يردهه أوكيحه اهمومي صـارت .. من يردهه خطيه الروح ملـــــت .. من يردهه لأن بس الصبر لبس العليـه |
| مرضة احنة وما يـــوم .. صحنة لن عـراق وسبيل شلون .. صحنة كلنـة عـــرب واكـراد .. صحنة كلا .. كلا ... للطائفية |
| هاك اشعل كلب كلبي و وجهاك اعله حاله راح اعلمنك و وجهاك بشالك من تلف شعرك و وجهاك تلف روحي مثل لف المنيه **** **** **** وحك رصعة اخدودك وحك شفتاك انسبيت بيوم وسط الروح شفتاك اشيخلصني بعد شرتاح شافتاك وبعدك والقرب نفس الاذية |
| اريد اغضب على كليبي وشرطة جيفن رضه بحكمك وشرطه انا المايلحكني بوليس وشرطة بارهاب الحبيب الي عليه |
| كضيت العمر بس ادرس وطالب وشيفيد اللعب بس اركض واطالب صرت تلميذ عندي وطالب ومن اسئلك شايل خشمك علية |
| رد على ميريام.. وسفه اعله الزمان الخير كلبي (قل به) ويدنيه براحتج بالروح كلبي (تقليب) الك بس انت راد يصير كلبي (القلب) اخذه ولا ترده النوب اليه |
| حبيبي انة منـك .. ونتة مني وحس كلمن يون لك .. ونتة مني اجت احزان دهـرك .. وانتمن لي وصرت يفلان مأوى لكل رزية |
| بيه جروح يصعب علي شلهة وجور الوكت كل عضاي شلهة الدنية وياي من غايات شلهة خذت حيلي وبعد شتريد بية **** **** **** العشك يهديب عمري .. كلفاني وحبنة بغير حبكـــــم .. كلة فاني سهمك من رميتــــة .. كل لفاني شك صدري وجزاني ورد علية |
| لو بات من اهواه وسط حشاشتي لقلت ادن مني ايها المتباعد تلوب الروح من فركاك لوبات ومن حيلي بكه بتين لو بات حبيب الروح وسط احشاي لو بات اكله اكرب يهل مبعد عليه |
| عله افراكك دموع العين ياريت اون ومن ونيني الناس ياريت لون كل التحبه الروح ياريت تكضه وتشفي العله الخفيه .... .... .... .... |
| حسنك معجزه يا لغز يا سر الرمش يكتل وإذا ما كتل ياسر ( اسير) نخيت الكال صبراً أل ياسر يحفظه إبجاه عمار وسميه |
| ربي لاتموتني مع المات مصير الحي يتلاكة مع المات ثلاثة على الجسر يمشن معلمات جميلات واصلهن خان بية |
2 مشترك
ابوذيات حلوه
ملكة العيون- عضو ذهبي
- عدد الرسائل : 274
العمر : 34
الموقع : https://loveiraq17.yoo7.com
الاوسمة :
العمل :
تاريخ التسجيل : 11/03/2008
ابن دجلة والفرات- Admin
- عدد الرسائل : 820
تاريخ التسجيل : 17/01/2008
عاشت ايدج صدك روئعة
ملكة العيون- عضو ذهبي
- عدد الرسائل : 274
العمر : 34
الموقع : https://loveiraq17.yoo7.com
الاوسمة :
العمل :
تاريخ التسجيل : 11/03/2008
عاشت ايدك لى هذا الرد الجميل
مواضيع مماثلة
