ارجوكم ابرولي الذمه اني خلاص راح اروح للعراق

السلام عليكم ورحمة الله وبركاته

وهسه كلولي اشلونكم وشخباركم انشالله زينين


اني اليوم حبيت اودعكم لان اني خلاص راح ارجع لبلدي الغالي


وكل الي اريده منكم انكم تبرولي الذمة اخاف اموت بالطريق لو يصير بيه شي
واتمنى تكونون راضين عني



واندعولي اوصل بالسلامة


واحب اقول لمحمد (بو جاسم ) انه كان اخ عزيز على قلبي واني اتمناله السعادة والله يوفقة بحياتة واريدكم تديرون بالكم علية ولتضوجوه
والله انشالله يرزقه ببنت الحلال الي تحبة وتصونه


واما انت يا حارث فأريدك تسامحني على كل شي واريدك تبريلي الذمة وياريت متنسوني واندعولي دائماً واني انشالله او ما اوصل للنجف راح اروح للامام علي عليه السلام واندعيلكم


والله اني هسه ده اكتب والدموع مالية عيني وميهون علية افارقكم لان انتم فعلاً صرتوا اهلي


واحب ان اقول لكل الاعضاء بأنهم ما قصروا وياي والله يحفظهم انشالله ويوفقهم في حياتهم

وياريت يبرولي الذمة


واتمنى متنسوني واني همين مراح انساكم

وانشالله بالعراق اذا كدرت اروح للنت راح اجي اسلم عليكم




واذا طولت اهواي ومأجيت لبيتي الثاني اقصد المنتدى فأتمنى تقرأولي سورة الفاتحة



واتمنى مواضيعي تكون عجبتكم
واني متاكده انكم مراح تنسوني وراح تقرؤون ماضيعي دائماً وتذكروني

بس والله اني احبكم اهواي وانتم صرتوا مثل اهلي

واوعدكم اني مراح انساكم


وتقبل خالص تحياتي لكم


رقة